Akken kan id-telli allen-is tdukla tadelsant Tiεwinin n Wizgan, bdan leqdic deg annar, ayagi yella-d deg aggur n remḍan useggas n 2013, anda id-heggan deqs leqdicat γef dema n wuḍan n remḍan, am tmesbaniyin icuden γer yedles, wadal, tmetti, lumur n ddin d waṭas niḍen.
Tiddukla tadelsant TIΣWININ n taddert n Wizgan id-illulen deg ussan-agi yezrin, s lemεawna n tesqamutt n taddert n Wizgan akk d yimezdaγ-is, sudsen-d yiwen n leqdic s wazal-is u d amesbaγur, i yebdan deg ussan imenza n waggur n remḍan almi d tagara-s, anda ijarden ahil d amarkanti i wuḍan n remḍan, idegyellausenεet n tecqufin n umezgun, id-urrarent trebbaε umezgun n temnaḍin yemgaraden n lwilaya n Tizi-Wezzu, cnawiakk d inaẓuren n teqbaylit, asenεet n yisura, turart d unecraḥ, isaragen, tamedyazt d waṭasniḍen.
Si tama niḍen jarden ṭhara ilfayda n 10 n warrac n taddert-agi n Wizgan i wass n 27 di remḍan. Akken ara tuγal tejmilt meqren i yinelmaden n yeswiren yemgaraden id-yufraren deg kayaden 5eme, B.E.M d Lbak i usebγes-nsen.
D tagnitt yelhan aṭas i yimezdaγ n tudrin yegaraden n tγiwant n Wizgan, xarṣum tiwaculin id-irezzun s waṭas ttfarasen uḍan n remḍan deg talwit d laman, tteksen fad n yedles d tẓuri, ttagmen-d tamusni, anda leqdic ittεedday akken iwata lḥal u di tegnatin yelhan.
I. Bessaci
